VERBERUM inflictio

VERBERUM inflictio

seu Festigatio, poena est in Ecclesia Romana, ubi Inquisitio viget, quâ rei ad ictus flagellorum aut virgarum condemnantur. Et quidem, si viri sint Religiosi, virgis in suo Monasterio ab aliis Religiosis, praesente Notariô S. Officii (ut vocant) caeduntut. Cuiusm odi supplicium, Paramô teste, Laurentius Valla luit, qui haereseos damnatus Neapoli, Regis beveficiô, ignis quidem supplicio exemptus est, sed eâ conditione, ut publice ab eo prolata, cum revocâsset, et damnâsset, scopis crimen lueret. Itaque in Praedicatorum coenobio manibus revinctis per claustra ductus, et spatulas et tergum religiosis viris caedenda scopis praebuit. Phil. a Limborch. Histor. Inquisit. l. 4. c. 32.